APIS MELLIFERA CAUCASICA
ფ. ბენტონის სახელობის მეფუტკრეობის საერთაშორისო ასოციაცია აერთიანებს მეცნიერებს და მეფუტკრეებს მსოფლიოს სხვადასხვა ქვეყნიდან. ასოციაციის მიზანია ქართული ფუტკრის მეცნიერული კვლევა, ინოვაციები და მეფუტკრეების წაახალისება სუფთა ჯიშის ხაზების გასამრავლებლად, საფუტკრის საერთო ჯანმრთელობის გაუმჯობესებისთვის და მთლიანი პროდუქტიულობის გაზრდისათვის.
საქართველო
საქართველოს ფლორა უკიდურესად მრავალფეროვანი და მდიდარია. მდებარეობს ჩრდილოეთ ევრაზიის ტყეებსა და აზიის ტროპიკულ უდაბნოებს შორის და მოიცავს ევროპის უმაღლეს მთებსა და სუბტროპიკულ სანაპირო ზოლს, მას აქვს ბიომრავალფეროვნების მაღალი დონე. (განაგრძეთ კითხვა...)
ქართული ფუტკარი
ქართული ფუტკარი გამოირჩევა უნიკალური თვისებებით და დიდი პოტენციალით. ქართული ფუტკარი მსოფლიოში მზარდი პოპულარობით სარგებლობდა XX საუკუნის დასაწყისიდან. ინდუსტრიული ეპოქის გარიჟრაჟზე...(განაგრძეთ კითხვა...)
დედაფუტკრის ხელოვნური ინსემინაციის ვორქშოფი
2024 წ. 22-26 მაისს, გურიაში, ქ. ოზურგეთში, გაეროს სურსათისა და სოფლის მურნეობის ორგანიზაციის (FAO-ს) ტექნიკური მხარდაჭერით, სურსათის ეროვნული სააგენტოს ცხოველთა ეროვნული იდენტიფიკაცია-რეგისტარციისა და მიკვლევადობის სისტემის (NAITS) ფარგლებში, ჩატარდა სემინარი დედა ფუტკრის ხელოვნური განაყოფიერებისა და ფუტკრის სკების იდენტიფიკაცია-რეგისტრაციის შესახებ. სემინარს უძღვებოდნენ პროფესორები ჯეიკობ ვეგენერი (გერმანია), ირაკლი ჯანაშია და FAO-ს პროექტის მენეჯერი, მიხეილ სოხაძე. სემინარში აგრეთვე მონაწილეობდნენ სსიპ სოფლის მეურნეობის სამეცნიერო-კვლევითი ცენტრისა და მუხურის სახელმწიფო სანაშენე დაწესებულების წარმომადგენლები: უფროსი სპეციალისტი ნანა მაისურაძე და მოწვეული მეფუტკრე-სპეციალისტი მათე ჯოლოხავა. სემინარის საპრეზენტაციო ნაწილი ჩატარდა სასტუმროში გურია პლაზა. პრაქტიკული გაკვეთილები კი გივი ნინიძეს საფუტკრეში, სოფ. ვაკიჯვარში. სემინარზე განხილული იქნა შემდეგი საკითხები:
- საფუტკრეების იდენტიფიკაცია-რეგისტრაცია NAITS სისტემაში. FAO-ს პროექტის მენეჯერი მიხეილ სოხაძე.
- თანამედროვე სანაშენე სამუშაოები, მეთოდები, პრობლემები, ტენდენციები. პროფ. ირაკლი ჯანაშია.
- სანაშენე სამუშაოების თეორია და ხელოვნური განაყოფიერების პროცესის სტრუქტურა მეფუტკრეობაში - პროფ. იაკობ ვეგენერი (თეორიული და პრაქტიკული გაკვეთილები).
https://www.fao.org/georgia/news/detail-events/ge/c/1696454/
ფ. ბენტონის სახელობის მეფუტკრეობის საერთაშორისო ასოციაცია ცხოველთა იდენტიფიკაციისა და მიკვლევადობის სისტემას (NAITS) შეუერთდა
თბილისი (GBC) – ფრენკ ბენტონის სახელობის მეფუტკრეობის საერთაშორისო ასოციაცია, რომელიც 12 საფუტკრე მეურნეობას აერთიანებს, ცხოველთა ეროვნული იდენტიფიკაცია-რეგისტრაციისა და მიკვლევადობის სისტემაში (NAITS) ჩაერთო. ურთიერთთანამშრომლობის შესახებ მემორანდუმს ასოციაციამ ხელი სურსათის ეროვნულ სააგენტოსთან ორშაბათს მოაწერა. იხილეთ სრულად
წყარო: https://www.gbc.ge/news/economics/mefutkreobis-asotsiatsia-tskhovelta-identifikatsiisa-da-mikvlevadobis-sistemas-sheuertda
ექსპორტზე ორიენტირებული საქართველოს საფუტკრე სადედე-სანაშენე მეურნეობათა (საფუტკრეების) გაერთიანება
WOAH და FAO რეკომენდაციების გათვალისწინებით, ხალასი ჯიშის სანაშენე ქართული დედაფუტკრის (Apis Mellifera Caucasica) მეცნიერული სელექციისთვის და პერსპექტიული საექსპორტო წარმოებისთვის, შეიქმნა ექსპორტზე ორიენტირებული საქართველოს საფუტკრე სადედე-სანაშენე მეურნეობათა (საფუტკრეების) გაერთიანება, რომელშიც გაწევრიანებულია 12 საფუტკრე მეურნეობა 2 360 სკით. გაერთიანება პირველი დარეგისტრირდა ცხოველთა რეგისტრაციის ეროვნულ სისტემაში - NAITS. (განაგრძეთ კითხვა...)
8 კოორდინატიანი კლასიკური მორფომეტრიული ანალიზი
ფრთების გეომეტრიული მორფომეტრია გამოიყენება ფუტკრების (Apis Mellifera) ევოლუციური ხაზების და ქვესახეობების იდენტიფიცირებისთვის და, აგრეთვე ქვესახეობებში გენეტიკური სტრუქტურის შესაფასებლად. ქართული ფუტკრის (Apis Mellifera Caucasia) ძირითადი მორფომეტრიული პარამეტრები აღიარებულია მსოფლიო მეცნიერული საზოგადოების მიერ და გამოიყენება მრავალ ქვეყანაში. (განაგრძეთ კითხვა...)
ფრენკ ბენტონი
(5 ივლისი, 1852 – 28 თებერვილი, 1919)
ფრენკ ბენტონი საქართველოში,
სამეგრელო, 1905 წ. (წყარო: National Geographic)
ფრენკ ბენტონი
ფრენკ ბენტონი (დ. 5 ივლისი, 1852 – გ. 28 თებერვალი, 1919) გამოჩენილი ამერიკელი ენტომოლოგი, მკვლევარი, მეფუტკრეობის ნოვატორი და ავტორი. ბენტონი სწავლობდა მიჩიგანის სასოფლო-სამეურნეო კოლეჯში, ტენესის უნივერსიტეტში, მიუნხენის უნივერსიტეტში და ათენის უნივერსიტეტში. იყო სხვადასხვა ორგანიზაციის წევრი: ამერიკის შეერთებული შტატების სოფლის მეურნეობის დეპარტამენტის ენტომოლოგიის ბიურო, ვაშინგტონის ენტომოლოგიური საზოგადოება, ჩრდილოეთ ამერიკის მეფუტკრეთა ასოციაცია, National Geographic Society და ამერიკის ასოციაცია მეცნიერების განვითარებისთვის. იგი ასევე ცნობილია დედაფუტკრის გადაზიდვის სპეციალური საფოსტო გალიის გამოგონებით (Benton Cage). ეს გალია მოდიფიცირებული სახით დღემდე გამოიყენება მეფუტკრეობაში.
სამრეწველო მეურნეობის გარიჟრაჟზე, ბევრ ქვეყანას შეექმნა სოფლის მეურნეობის პროდუქტიულობის გაზრდის მოთხოვნილება მცენარეების ბუნებრივი სტიმულირებით, რომლებიც გამოცხადდა მთავარ პრიორიტეტად ეროვნული მეურნეობისა და სოფლის მეურნეობის ინდუსტრიისთვის. ადგილობრივი მეფუტკრეობის მეურნეობების ეფექტურობის გაზრდის მრავალრიცხოვანმა მცდელობებმა ხელშესახები შედეგი არ გამოიღო. სწორედ მაშინ გაჩნდა პროგრამა აშშ-ს სოფლის მეურნეობის დეპარტამენტისთვის საუკეთესო შესაფერისი ფუტკრის ჯიშების დანერგვისთვის, რომლებსაც შეეძლოთ უზრუნველეყოთ ყველაზე მნიშვნელოვანი ბიოლოგიური ფუნქცია - მცენარეთა დამტვერვა.
ამ მიზნით ბენტონმა იმოგზაურა ბევრ ქვეყანაში ევროპიდან პალესტინამდე და შორეულ აღმოსავლეთში. 1905 წელს ბენტონი ეწვია საქართველოს ფუტკრის გამოსაკვლევად. ქართული ფუტკარი მეტ-ნაკლებად უკვე ცნობილი იყო ამერიკელი მეფუტკრეებისთვის 1890 წლიდან.
აი რას წერს იმჟამინდელი ქართული ფუტკრის ერთ-ერთი მთავარი მკვლევარი კ.ა.გორბაჩოვი ამ ვიზიტის შესახებ („მეფუტკრეობის ცხოვრება“, #2, 1907 წ., გვ. 45): „კავკასიაში ცნობილი ამერიკელი მეფუტკრე გვეწვია. მისი ვიზიტის მიზანია ქართული ფუტკრის უკეთ გაცნობა... ბენტონი აღფრთოვანებულია ქართული ფუტკრით და უწინასწარმეტყველებს ბრწყინვალე მომავალს... ქართულ ფუტკარს ერთი დიდი უპირატესობა აქვს: ცენტრალური ევროპის ფუტკართან შედარებით უფრო გრძელი ხორთუმი აქვს”.
ბენტონმა მხარი დაუჭირა ქართული ფუტკრების იმპორტს აშშ-ში. მას შემდეგ, რაც ბენტონი აშშ-ის სოფლის მეურნეობის დეპარტამენტში ფუტკრის კულტურის ხელმძღვანელად დაინიშნა და მეორედ გაემგზავრა საზღვარგარეთ, ქართული ფუტკარი ფართოდ ცნობილი გახდა აშშ-ში.
1943 წელს აშშ-ს სოფლის მეურნეობის დეპარტამენტის მიერ გამოქვეყნებული მეცხოველეობის ობიექტების სიაზე დაყრდნობით (ბიულეტენი E 297) შეერთებულ შტატებში არსებობდა ქართული ფუტკრის 43 სანაშენე-სადედე მეურნეობა, მათ შორის პირველი აიოვაში გაიხსნა. ჯამში, ქართული ფუტკრის დედების წარმოება შეადგენდა შეერთებული შტატების მთელი ინდუსტრიის 25%!
ბენტონის უდიდესი დამსახურება აქვს ქართული ფუტკრის პოპულარიზაციაში და ექსპორტში დასავლეთის ქვეყნებში.
საქართველოში ვიზიტის შემდგომ ბენტონი აგრძელებდა ესპედიციებს. ინდოეთში, დიდი ფუტკრების (Apis dorsata) კვლევის დროს ბენტონი "ჯუნგლების ცხელებით" დაავადდა. ბენტონი გარდაიცვალა ფორტ მაიერსში, შეერთებულ შტატებში 1919 წლის 28 თებერვალს.
მიზნები და ამოცანები
კვლევა
ქართული ფუტკრის ბიოლოგია; ფუტკრების დედოფლის, მამრების და მუშა ფუტკრების ქცევის შესწავლა, სხვადასხვა რასის თავისებურებები; დაღუპვის მიზეზები, კოლონიის კოლაფსი (CCD) პრობლემები.
პოლინაცია
დამტვერვის მნიშვნელობა; გავლენა აგრომრეწველობაზე. პარკოსნების, სამყურას, ლუცერნის და სხვა ღრმა ბუტკოვანი მცენარეების დამტვერვა.
სელექცია
სელექციისა და გამრავლების გენეტიკური საფუძვლები და პერსპექტივები, ბიომეტრია და მორფოლოგია, დედოფლის ფუტკრის (AI) ინსტრუმენტული ინსემინაციის ორგანიზაცია, სუფთა ჯიშის ხაზების მოშენება.
გამრავლება
მეფუტკრეობის ორგანიზება, ოჯახის შეფასება, ჯიშების სრულყოფა, მეთოდოლოგიური და პრაქტიკული დახმარების გაწევა, სერტიფიცირება.
დაავადებები
ფუტკრის პათოლოგიებთან და დაავადებებთან, პარაზიტებთან და მავნებლებთან ბრძოლის ორგანული (ბიო) მეთოდებისა და საშუალებების კვლევა და დანერგვა პრაქტიკაში.
კვება
ხელოვნური საკვების შემუშავება და დანერგვა, ინვერტები, ორგანული მასტიმულირებელი კვების შესწავლა. ცილებით, მინერალებით და ვიტამინებით მიდარი დამატებითი საკვები.
თაფლოვანი მცენარეები
სხვადასხვა კლიმატურ ზონებში თაფლოვანი მცენარეების რესურსების შესწავლა და მათი სათანადო გამოყენების რეკომენდაციები.
პროდუქტები
თაფლის, მტვრის, ჭეოს, პროპოლისის, რძის და ა.შ. მეფუტკრეობის პროდუქტის ხარისხის კონტროლის ტექნოლოგიების კვლევა.
ბიო ტექნოლოგიები
ბიო პროდუქტების წარმოების სამართლებრივი, ტექნოლოგიური და ეკონომიკური საფუძველი. მეფუტკრეობის ორგანული პროდუქტების წარმოებაში ფუტკრების კვებისა და მკურნალობის მოთხოვნები.
მეცნიერები, რომლებმაც დიდი წვლილი შეიტანეს
ქართული ფუტკრის შესწავლაში და პოპულარიზაციაში
საქართველო - კავკასიის მარგალიტი
Conservation International-მა საქართველო დაასახელა 25 გლობალურ „ბიომრავალფეროვნების ცხელ წერტილში“ ტერიტორიის განსაკუთრებული რაოდენობის ენდემური სახეობების გამო, რომლებიც შეადგენენ საქართველოს ფლორის დაახლოებით 9%-ს, რაც საოცრად მაღალია ასეთი პატარა ქვეყნისთვის.
Find out more...დაგვიკავშირდით
გთხოვთ, მოგვწერეთ შეკითხვები და საკონტაქტო ინფორმაცია. ჩვენი კოლეგები მალე დაგიკავშირდებიან
მისამართი
19, რომის ქ.
თბილისი, 0102, საქართველო
ტელეფონი
+995 591 33 33 30
ელ. ფოსტა
info (at) amcinternational.org
სამუშაო საათები
ორშ. - პარ: 10:00 to 18:00